الشاعر الجنوبي البدري صابر يشارك بمعرض القاهرة الدولي للكتاب بديوان كدا فضت من اصدارات التجمع العربي للطباعة والنشر والتسويق
كتب : عبد الله اسماعيل
اعلن الشاعر الجنوبي البدري صابر عن اصدار ديوانه الجديد تحت عنوان (كدا فضت) قصائد عامية مصرية من اصدارات التجمع العربي للطباعة والنشر والتسويق
كما اعلن ان الديوان الجديد سيشارك به بمعرض القاهرة الدولي للكتاب 2023 بأرض المعارض بمدينة نصر وديوان الوسادة الذي شارك العام الماضي في المعرض
واحتوى ديوان كدا فضت على مجموعة من القصائد الرائعة ذات المذاق الريفي البسيط وكان ابرزهم قصيدة كدا فضت
كده فضت
سنين
مرت ومرت من وراها سنين
ومستني
حبيبي يعود وقلبي حزين
تعدي
سنين وانا صابر ومستني
اشوف
لو طيفه قدامي
في
سهدي عشت مستني
سنيني
في حبه سرقتني
وحتي
الفرحه نسيتني
وصابر
لأجل ليا يعود
اتاري
في حلمي ده عمري
سنين
عماله تتسرسب
ويوم
وري يوم
وشهر
وعام
كبرت
قوام
وشبت ولسه
مستني
حبيبي
يعود
كبرت
خلاص وجف العود
يفيدك
ايه يا قلبي خلاص
هيرجع
ولا مش هيعود
زمان
سابك وعشت العمر مستنيه
كبرت
خلاص ولو يوم عاد
رجوعه
ليك ده هيفيد أيه
هترجع
تاني تبقي شباب
وهتعود
تاني ايامك
هيرجع
عودك المفتول
جبال
تتهد قدامك
خلاص
صدقني كده فضت
وخلصت
هي م الأخر
وضاع
عمرك ياقلبي بلاش
في حب
قديم ميستاهل
إرسال تعليق