خلتني ليه
***
خلتني ليه اعشق وادوب
نستني ليه ظلم القلوب
كنت خلاص قربت أنسي
وقلت الغدر يناس مكتوب
جيتني وقلت الدنيا جميلة
انسي الماضي أعشق حب
خلتني أنسي الغدر في ليلة
وارجع تاني اعيش وأحب
واطوي الماضي وأنسى آلامي
وجرح القلب
وأشوف الدنيا جوي عنيك
وأنسى عذابي في شوق لياليك
ليه موت في قلبي هوايا
بكلمه يا خاين أنا مش ليك
ليه حبيتني وليه تهواني
ليه خلتني ادوب في عنيك
مش راح اسامحك عمري
يا خاين
مش راح احن في يوم
لعنيك
البدري صابر شحاته
عضو اتحاد الصعيد الثقافي
إرسال تعليق